Noticias
Reunión entre a Fundación ASPACE Coruña e o Concello de A Coruña para fomentar a colaboración social
21 de maio de 2025 | Sada
Eulogio López, presidente da Fundación ASPACE Coruña, e Verónica Álvarez, traballadora social da entidade, mantiveron unha xuntanza con Nereida Canosa, concelleira de Benestar Social, Participación e Igualdade do Concello da Coruña.
Durante o encontro, os representantes da fundación presentáronlle á concelleira os proxectos e actividades que desenvolven en apoio ás súas persoas curateladas, co obxectivo de explorar vías de colaboración co Concello. A Fundación ASPACE Coruña traballa na protección e defensa dos dereitos das persoas con discapacidade ou en situación de vulnerabilidade.
Charla sobre la Ley 8/2021 de Medidas de Apoyo
13 de diciembre de 2024 | Sada
A Fundación ASPACE Coruña celebrou esta tarde a súa charla anual, nesta ocasión para falar sobre a Lei 8/2021 de Medidas de Apoio.
Lola Santana, abogada da Federación ASPACE-Galicia, explicoulle ás familias os efectos desta lei tres anos despois da súa entrada en vigor e sobre a súa aplicación práctica.
Charla sobre os instrumentos notariais para o apoio ás persoas con discapacidade
29 de noviembre de 2023 | Sada
A Fundación ASPACE Coruña celebrou unha charla dirixida ás familias na que o notario de Sada, D. Andrés Cancela Ramírez de Arellano, que é tamén patrono da Fundación, falou sobre os instrumentos notariais para o apoio ás persoas con discapacidade.
O obxectivo é ofrecer ás familias toda a información relacionada coa protección das persoas con discapacidade, tras os cambios lexislativos dos últimos anos.
A Fundación ASPACE Coruña inicia un programa de ocio
5 de xullo de 2023 | Sada
A Fundación ASPACE Coruña iniciou un programa de lecer coas persoas que apoian.
Todas as semanas o persoal da fundación organiza saídas e actividades tendo en conta os intereses particulares de cada unha das persoas. Foron de compras, a facer visitas a familiares, á piscina, a museos ou a pasear tranquilamente por contornas naturais.
A experiencia está a ser do máis enriquecedora para tod@s!
La Fundación ASPACE Coruña adquire un vehículo adaptado
11 de xaneiro de 2023 | Sada
Ao principio do mes de xaneiro de 2023 fíxose efectiva a compra do vehículo Peugeot Rifter Allure adaptado para persoas con mobilidade reducida.
A adquisición deste vehículo supón unha mellora na atención das persoas apoiadas pola nosa Fundación, xa que se utilizará para mobilizar e acompañar ás persoas tuteladas aos lugares que necesiten ir e a realizar todas aquelas xestións que sexan precisas no seu día a día.
Charla do fiscal D. Juan Aguirre Seoane con motivo do décimo aniversario da Fundación ASPACE Coruña
24 de novembro de 2022 | Sada
A Fundación ASPACE Coruña, con motivo de seu décimo aniversario, celebrou unha charla dirixida ás familias na que o fiscal D. Juan Aguirre Seoane, da Fiscalía Provincial de A Coruña aclarou todas as dúbidas sobre a nova lexislación sobre as revisións das sentencias de incapacitación e as medidas de apoio das persoas con parálise cerebral.
O Presidente da Fundación ASPACE Coruña, Eulogio López, agradeceu ao fiscal a súa presencia neste acto e todas as súas explicacións para acercar ás familias este tema.
A Fundación participa na celebración do Día Mundial da Parálise Cerebral
06 de outubro de 2022 | Sada
Eulogio López, presidente da Fundación ASPACE Coruña, participou no acto celebrado pola asociación ASPACE Coruña en Sada con motivo do Día Mundial da Parálise Cerebral.
A Fundación, xunto a ASPACE Coruña e a Confederación ASPACE, reclama que se respecten os desexos e preferencias das persoas con parálise cerebral e con grandes necesidades de apoio, que poidan tomar as súas propias decisións para ter unha vida independente, podendo contar con apoios que cubran de forma adecuada e suficiente as súas necesidades.
Este ano a Confederación ASPACE puxo en marcha a campaña #YoDecido que fai referencia a que as persoas con parálise cerebral e con grandes necesidades de apoio tomen decisións sobre a súa propia vida.
A Fundación ASPACE Coruña aproba o seu código ético
14 de setembro de 2022 | Sada
A Fundación ASPACE Coruña celebrou o 14 de septembro de 2022 unha reunión na que se renovaron todos os cargos dos patronos. Ademais de aprobar o seu código ético.
Entrevista a Eulogio López, presidente da Fundación ASPACE Coruña, na Radio dos Gatos
21 de julio de 2022 | Sada
O presidente da Fundación ASPACE Coruña, Eulogio López, foi entrevistado pola Radio dos Gatos con motivo da celebración neste ano 2022 do 10º aniversario da Fundación.
Na entrevista Eulogio recordou que o fundamental é trabajar polo benestar das persoas con parálise cerebral e as súas familias e ser unha resposta á gran pregunta de ¿qué pasará cos meus fillos cando eu non estea?
"Queremos achegar tranquilidade ás familias, que saiban que sempre velaremos polos intereses e o benestar dos seus fillos", afirmou. Recordou tamén os inicios da Fundación, promovida pola Asamblea de Socios da asociación e que tivo como primeiro presidente a Alberto Gordillo de Eguilior, e a importancia de estar ao servizo das personas, acompañalas e de contar con recursos e apoios que garantan o traballo e a continuidade da Fundación.
Se queres escoitar a entrevista completa pica aquí: https://www.facebook.com/Aspace.Coruna/videos/1394653781013035
Charla sobre a reforma da lexislación sobre os apoios a persoas con discapacidade
18 de novembro de 2021 | Sada
A Fundación ASPACE Coruña celebrou esta tarde unha xornada informativa sobre a reforma do sistema de apoios ás persoas con discapacidade.
Debido aos importantes cambios que tiveron Iugar desde a entrada en vigor da nova Iei o pasado mes de setembro, como son a eliminación dos termos de incapacitación, tutela ou patria potestade prorrogada/rehabilitada, pareceunos necesario achegar información clara e comprensible ás familias e ás persoas con discapacidade sobre como serán os novos procedementos.
Que cambiou coa nova normativa de protección ás persoas con discapacidade? Para dar resposta a esta e outras preguntas esta charla foi impartida por Santiago Míguez Caridad, avogado da Fundación ASPACE e especialista na protección de persoas con discapacidade.
Podes consultar a nova lei picando aquí.
A Fundación ASPACE Coruña renova o seu padroado
1 de xuño de 2021 | Sada
A Fundación ASPACE Coruña conta con un novo membro no seu padroado, Mª Carmen Barreiro Santos, presidenta de ASPACE Coruña, tras deixar a presidencia Antolín Rodríguez Martínez.
Estamos seguros de que Mª Carmen achegará o mellor de si mesma para continuar impulsando a labor fundacional do mesmo xeito que o fixo Antolín, membro nato do padronado dende os seus inicios, ao cal queremos agradecerlle todo o seu esforzo e achega ao longo destes años.
Ademais da renovación do padronado, o noso presidente Eulogio López Río forma parte da Xunta Directiva da asociación dende o pasado 22 de maio no que a Fundación foi elexida polos socios da entidade xunto a outras catro candidaturas.
Na última reunión de padroado decidiuse que a Fundación ASPACE Coruña se presentase a este cargo e que Eulogio López, como presidente, fose quen a representase.
Tanto a Mª Carmen como a Eulogio desexámoslles moita sorte nesta nova etapa.
