ASPACE CORUÑA

"As Mosqueteiras"

Grupo de mujeres con parálisis cerebral

As mulleres con parálise cerebral de ASPACE Coruña crearon o grupo de “As Mosqueteiras”, unha iniciativa que nace co obxectivo de ter un espazo de intimidade no que as mulleres poden falar dos temas que lles afectan directamente, con total liberdade e confianza.

“As Mosqueteiras” fórmano 12 mulleres con parálise cerebral (Alicia, Begoña, María José, Chus, Chon, Virginia, Pili, Mónica, Vanessa, Elena, Reme e Gisela) e a idea partiu da necesidade de dar voz ás mulleres con discapacidade, que segundo os últimos informes do Cermi, sofren aínda máis discriminación, illamento e contan con máis dificultades para gozar da súa propia intimidade ou acceder á educación sexual.

Isto xera en moitas mulleres con discapacidade unha baixa autoestima que pode derivar en abusos sexuais e violencia, situación que se acentúa coa mensaxe que se difunde en moitas ocasións en redes e publicidade de “corpos perfectos” nos que elas ven identificadas e que tampouco representan á gran maioría de mulleres.

“As Mosqueteiras” decidiron crear o grupo tras participar en 2023 na iniciativa desenvolvida pola Federación ASPACE Galicia para promover os grupos de mulleres nas entidades ASPACE de Galicia, a través dunha formación impartida pola cooperativa A Morada.

Agora xa como un grupo propio, “As Mosqueteiras” fan honra ó seu lema, “Unha para todas e todas para unha”, creando un espazo no que poder contar, con respecto e intimidade, como senten, os temas que lles preocupan e interesan e tamén gozar de intres divertidos.

Neste grupo falan da saúde, o autoconocimiento, a sexualidade feminina, os roles de xénero, o feminismo, entre outros.

Vivimos y aprendemos con ellos

Vivimos y aprendemos
con ellos

"As Mosqueteiras"

Grupo de mujeres con parálisis cerebral